TUISBLAD

Die eienaars, Christo en Melinda is in 1978 getroud en het saam 'n nuwe lewe in Heidelberg begin. Die besigheid is in 1980 geopen, en hulle albei is steeds voltyds hier bedrywig. Christo het al die bouwerk met hulp gedoen en die meubels gemaak in die landelike styl waarvoor hulle albei baie lief is.

Vir die eerste jaar het Christo self al die juwele vervaardig, die besigheid het egter so vinnig uitgebrei dat hier tans vier voltydse goudsmede werksaam is. Christo was vir baie jare 'n diamantslyper en doen daagliks nog diamantgraderings vir kliente.

Diamante en Goud se naambord is 'n landmerk in Heidelberg

Daar is vier dames wat daagliks juweelontwerp op die perseel doen, en 'n string dame wat stringwerk doen terwyl jy wag. Melinda doen al die aankope vir die besigheid. Die knus atmosfeer en informele plaasstyl word spesifiek ingedagte gehou met alle aankope. Daar is 'n besige koffiewinkel en teetuin op die perseel. Die eienaars is baie toegewyd aan die Diamante en Goud en Plaashuiswinkel, en die laaste 26 jaar, ook die beroemde Nagmark waarna almal so uitsien.

"Car Boot Sale" elke laaste Saterdag van die maand - kom net - geen bespreking nodig nie van 8:00 tot 13:00.